六十
果兩條mk個樣好細個，又瘦又細粒，但個頭就染到又金又銀咁，男人老狗又齊陰又尖陰，成個乸型咁，真係睇見都唔開胃。
但睇佢地行路既姿勢應該以為自己好型。
呢兩條mk慢慢咁行過去Jenny坐緊既長凳，我見狀即刻打起十二分精神，我驚Jenny會有危險。
尤其是Jenny今日為左慶祝我地拍拖四週年，特登精心打扮過一番，真係好可愛好靚，冇人睇住既話真係好容易會引到啲痴漢埋身。
我見果兩條mk行到埋去Jenny前面唔知講左啲乜，但我距離太遠，聽得唔好幾清楚。只係見到Jenny冇理佢地繼續自己伏響度喊。
我開始覺得有啲唔對路，慢慢移動過去。突然間我見到其中一條mk隻手拉住Jenny隻手，好似想拉佢起身咁。
Jenny抬頭，個樣好驚咁，想甩開mk隻手，但奈何佢只係個女人仔，就算對面只係乸型mk，都唔夠mk大力，fing唔開mk隻手。
我無名火起，跑過去大叫：「屌你老母呀！做乜掂我女朋友！」
個mk嚇左一跳，而Jenny就趁機鬆開手，喊住咁跑過黎我度。
雖然唔想呢個時候攬住Jenny，不過我呢個moment都唯有伸手攬實佢，先可以令佢有返些小安全感，唔好咁驚。
「老公…我好驚呀…」Jenny回手攬返住我，將個賠響我胸口。
我…已經唔係你老公了…
我冇資格做你老公…
不過！
我有責任去保護你！
我睥住啱啱抽Jenny水條mk。
老老豆豆，我就唔靚仔既，但係勝在夠高又夠大隻，又胸肌又腹肌突晒出黎，四肢發達，加埋短短地既頭髮（唔係強國自由淫果啲陸軍裝呀…果啲真係好撚柒），如果我擺出一副發嬲既表情，難聽啲講，成個啱啱出獄既監躉咁款。
mk比睥到周身唔聚財，但死撐咁話：「屌，原來有男朋友。」
之後同另一個乸型想調頭走。
「死乸型，你講乜野話？」我好嬲咁對住兩條mk仔好大聲咁講：「你抽完我女朋友水道歉都冇就想就咁走左去？」
mk扮晒唔驚咁講：「咩呀？唔小心撞到你條女隻手唔得呀？」
Jenny都想息事寧人，細細聲咁同我講：「不如…算啦。」再攬一攬實我：「你唔再走左去…我就得架喇…」
我心中一酸。
我諗住送埋你返屋企就會響你個世界度永遠消失架喇…
雖然我個心諗緊呢啲野，但係我個表情就越黎越凶，出手一下子捏住抽Jenny水果條死mk（就叫佢mk一號）條頸，一字一字咁同佢講：「你！夠！薑！講！多！一！次！？」
另一個死mk（mk二號）個樣勁淆，不過死撐咁話：「你再唔放手我搵差人架啦！」
mk搵差佬？笑死人咩。
我對住個mk二號講：「你咪睇下呢度有冇差人囉！」再眯埋眼望實佢：「如果我女朋友話你非禮佢，你估啲差佬信你定信佢？」
mk二號望一望Jenny個乖乖女樣，再望下我件印住嶺大校名既校隊風褸知道我係大學生，呆左一呆，率先道歉：「Sorry，唔好意思，諗住識個朋友啫。」
然後向mk一號打個眼色。
我鬆手。
「咳！咳！Sorry，Sorry，玩下啫…」mk一號唔再死撐，向我同Jenny道歉。
「躝！」我怒吼。
mk仔s即刻轉身走。
我唔知呢兩條仆街會唔會去班救兵。
老老豆豆，如果兩條冇拎架餐既mk仔我有把握可以打得贏，再多啲我就唔知喇。
總之此地不宜久留。
「我地快啲返屋企先。」我拖實Jenny諗住拉佢走。
會係最後一次送Jenny返屋企了吧。
唉。
我真係自作孽，不可活。
點知Jenny企響度唔郁。
「走喇，都夜喇。」我儘量柔聲地道。
啱啱咁搞左一搞，都成兩點幾了…
Jenny可憐兮兮咁望住我。
唔好咁望我啦…我會好內疚架…
所有野都係我搞出黎。
唔應該由你去承受的。
「做咩？」我儘量溫柔。
「老公…你係咪…唔會再走架喇…」Jenny哽咽咁問。
「返屋企先講喇。」雙拳難敵四手，要快啲走，免得mk們搵幫手。
「你講左先呀！」Jenny冷靜落黎既情緒又開始失控。
傻妹，你一冷靜落黎你就唔會再原諒我架喇…
「好啦，好啦，我唔走喇。」要快啲離開呢個是非之地，我講左個大話。
「勾手指尾？」Jenny伸出手指尾。
我勾左。
應承住先啦…因為驚比mk仔班馬尋仇。
但抱歉喇，今次我準備食言。
你既人生，應該由更好既男人帶你走過。
唔係我呢種背妻偷食既人渣。
*
回家路上，Jenny橋到我好實好實。
好似驚我會再走左去咁。
路程唔遠，好快就返到Jenny屋企。
入到屋，入到房，Jenny攬實我。
我唔忍心推開佢。
良久，我最後輕輕咁抱起佢，將佢擺上張床再幫佢冚好被，冇做任何多餘既野，純粹希望Jenny訓得安穩。
Jenny都喊到個人好攰。
我搵張凳坐左響佢旁邊，Jenny就拖實我隻手，然後好快就沉沉睡去。
佢今日都好攰了。
聽日起身就好好沖個涼啦，好快你人生就會有新開始。
等Jenny熟睡之後，我輕輕掙脫佢隻手。
唔容易，因為Jenny拖到好實好實。
但，要完結喇。
一切都應該要完結了。
我響我個袋入面，拎出Jenny用黎掟我既情侶鈪，再除埋自己手上果隻，將兩隻手鈪放左響Jenny書枱。
我拎左張紙出黎，想寫小小野。
最後嘆左口氣，乜都冇寫，收返張紙，轉身離開。
（待續）