十
十
我一面懷緬過去，一面冷靜落黎咁諗返成件事…
其實尋晚我真係太唔冷靜喇…響好多野都未決定好點做既時候已經對住camp草哭哭鬧鬧…
但係話說回來…一返到過去就已經同camp草做緊愛…其實都幾難即時冷靜落黎…
好彩似乎暫時冇將件事惡化…
我應該趁而家呢段時間好好咁諗下之後應該點做…如果真係要同Camp草響埋一齊，我覺得呢個時間點應該係最有機會既…
不過…我接唔接受到自己做第三者…？
唉，唔理點都好，我覺得而家要做既野係…沖涼先。
我望住自己個肚仔，好似仲有小小乾左既精液響上面…
我求其著返件hall tee同短褲，拎埋條毛巾準備走去沖涼既時候…
電話響起。
我心中突然好緊張。
莫非camp草咁快考慮完？
我有小小急咁行過去書枱，快快手咁拎起左個電話。
望到個來電顯示，心中突然湧起一陣厭惡。
係Jason。
我既前男朋友。
我望實個mon猶豫左一陣，決定將個來電滑向拒絕接聽既位。
正當我放低個電話果陣，Jason又再次打黎…
如是者來回幾次…
我記得我響過去最後係冇理到佢熄埋個電話，之後摺埋自己自閉左一段時間…
你問我當時其實係咪好傷心？其實我一早有晒心理準備…
我中學既時候讀既係女校，中一至中五我都未拍過拖，甚至乎男仔朋友都唔多個。
直至中六既時候，我同成班姐妹決定參加個聯校舞會，佢地話要識下男仔，響中學畢業之前一嚐拍拖既滋味。
我反而冇咁既焦慮…直至參加個舞會之前我都冇諗過要拍拖…不過，最後反而係最隨緣既我首先有拖拍。
就係響個聯校舞會上面識到Jason，之後Jason對我展開追求，而我就接受左，就係咁樣開始左我既初戀。
Jason個人好有書卷味，帶住一副厚厚既黑色粗框眼鏡，配埋佢英俊既面孔，真係一副風流才子咁既氣質。
呢個時間點，我同左Jason已經一齊左兩年幾，開始拍拖冇幾耐已經發現佢仲有同其他女仔曖昧緊，但佢死口唔認，果陣時我又好鍾意佢，所以一日未見到佢真係同第二個一齊，我都當果啲女仔真係佢口中所謂既「契妹」。
而且…我既第一次仲要比左佢…就係為左想佢愛我多啲…
之後，每當Jason氹我上床既時候，無論係佢有啲乜野要求，我都會儘量滿足佢，就係為左等佢錫我多啲，唔好成日痴埋班「契妹」度…
而家諗返起，我真係好蠢好蠢。
直至有一日，我既同班同學兼好姐妹遙遙撞到Jason同另一個女仔拖手，甚至仲同個女仔當街kiss，我先發覺到原來Jason一直都呃緊我。
遙遙連佢地kiss既相都偷影埋，之後再send比我，Jason完全冇得抵賴。
比自己最親愛既人背叛，我攬住遙遙喊左無數個夜晚。
原來響自己最愛既人心目中，自己根本一啲都唔重要。
我好心痛。
果次係我第一次話要同Jason分手。
之後Jason做左好多野氹返我；又話果次只係一時唔小心把持唔住，唔會再有第二次；又發誓以後唔會再理班契妹，我先決定原諒佢。
再之後…Jason睇黎真係好似修心養性咁，同佢既契妹斷晒聯絡，而且就算大家準備緊高考既時候，佢都抽好多時間陪我。
我以為佢真係修心養性。
而家諗返起，或者只係佢既保密功夫做得更充足罷了。
高考之後，佢入左港大法律系，而我呢…高考失左手，最後只能夠入到嶺大既社會科學系。
而遙遙呢？佢入左港大Econ and Finance。
我同Jason入左唔同既大學之後，相聚既次數越黎越少，而佢又成日唔覆我messages，連傾電話既次數都少左好多。
佢既藉口就係讀書同埋上莊太忙，抽唔到時間陪我。
呢個時候，又係名偵探遙遙出場既時候啦。
唔知遙遙係咪真係天生有做偵探既潛質，又係佢幫我發現到Jason響港大周圍識女仔，仲要好似上次咁，幾個星期之內影到佢同啲女仔又攬又錫。
只係今次仲離譜，佢至少向三個唔同既女仔埋手。
其實…或者真係一次不忠，百次不用？我係好唔開心，但已經冇上次第一次分手果陣果種崩潰既感覺。
只係覺得…呢一刻始終都要黎。
另一個冇咁唔開心既原因，可能係因為…Camp草。
佢總係響我面對困難同埋唔開心既時候出現，陪伴響我隔離…
最初果陣…因為Camp草本身都有女朋友，所以我唔抗拒佢埋身，同埋佢既表現其實都好克制，所以我好放心同佢做朋友。
只係…或者男同女之間好難有純粹既友誼出現，我同佢響互相既心入面，大家既位置都越黎越重…
慢慢地…好多時，我自己一個人既時候諗起既，唔再係Jason，而係camp草。
Jason同camp草係完全兩種唔同類型既男人，camp草個人高高大大，留住一頭短髮，而且同Jason比佢一啲都唔靚仔。
但係，正正係因為佢高高大大，但係對住我就好細心，成日都察覺到我有唔開心，然後默默咁響我身邊陪住我…或者係因為呢種反差，先至會令我傾心吧…
之後，camp草知道我因為Jason既事好唔開心，所以響系既Annual Dinner完左之後，以限定男朋友既身份去開解我…
果晚…響尖沙咀海傍…佢陪住我散心…我諗我永遠唔會忘記…
不過，果晚之後我地大家都察覺到我地過晒朋友呢個身份既界線…
所以自從果晚之後，我地開始保持距離。
直至…響我同第二次同Jason分手既時候…失戀既我好傷心，再加上我忍唔住對camp草既思念，所以就叫左佢上我間房陪我…
最後發生左啱啱果件事…我同佢…上左床。
（待續）
